Egnatia do të luajë një nga ndeshjet më të rëndësishme dhe të luftuara në Superiore. Ditën e nesërme do të presë në “Egnatia Arena” skuadrën e Partizanit për të bërë mes tyre llogaritë e javës së 25-të të kampionatit.
Një sfidë mjaft e rëndësishme në luftën për titullin në Superiore. Rrogozhinasit kanë rikthime të rëndësishme para sfidës me “demat”. Kasa dhe Fernando plotësojnë grupin e skuadrës.
Të dy kanë kaluar gjendjen gripale që kishin së fundmi dhe tashmë do të japin kontributin e tyre ndaj të kuqve. Kjo padiskutim gëzon Edlir Tetovën që ndaj një prej rivalëve direkt do të jetë 2 “armë” më shumë ndaj tyre.
