Këto janë pamjet më të fundit të Papa Françeskut, të filmuara këtë mëngjes nga disa turistë, ndërsa ndodhej në bazilikë për vizitën e dytë brenda pak ditësh, dhe që po krijojnë konfuzion midis besimtarëve.
Në karrocën me rrota të shtyrë nga infermieri Massimiliano Strappetti dhe i vëzhguar nga afër nga xhandarët, papa tetëdhjetë e tetë vjeçar mund të shihet me tub oksigjeni në hundë, pa kapelen në kokë dhe me një lloj ponçoje të rëndë me vija bezhë dhe kafe.
Për më tepër, Ati i Shenjtë nuk mbante veshur rrobën e bardhë, por pantallona të zeza normale, me sa duket në një përpjekje për të kaluar sa më pa u vënë re midis turistëve që ndodheshin në Shën Pjetër në atë moment. Megjithatë ai është shfaqur i qetë dhe i buzëqeshur.
Papa u takua me mbretin Charles dhe mbretëreshën Camilla të Mbretërisë së Bashkuar, gjatë një vizite surprizë dhe private, ditën e djeshme.
