Një tjetër derbi i Italisë pritet në tregun e transferimeve mes Juventusit dhe Interit. Pas shumë dueleve në fushën e lojës mes skuadrave ikonike, do të ketë një tjetër përballje, por kësaj here në merkato.
Siç raporton “Tuttosport”, bardhezinjtë dhe zikaltrit janë në duel për shërbimet e sulmuesit Nikola Krstovic. Qëndrori i Leçes ka bërë një sezon të kënaqshëm deri më tani, duke arritur të shënojë 10 gola në Serie A.
Megjithatë, për të firmosur me 25-vjeçarin, Juve dhe Interi do ta kenë të vështirë, pasi Leçe ka refuzuar 15 milionë euro nga Real Betis. Skuadra italiane kërkon të paktën 25 milionë euro bashkë me bonuse për të liruar malazezin.
