Është shtyrë për në datën 5 mars seanca e radhës për shtetasin Fredi Beleri, i akuzuar për korrupsion në zgjedhjet vendore të 14 majit të vitit të kaluar.
Në seancën e sotme kanë patur mundësinë avokatët mbrojtës të Belerit të paraqesin pretendimet e tyre, duke u shprehur se sipas tyre, prokuroria nuk ka prova.
Në përfundim të seancës, ata pretenduan se gjyqi është i montuar politikisht me qëllim marrjen e Bashkisë së Himarës.
“Ne provuam që prokuroria nuk na ka dhënë prova, tablatet na i ka dhënë në datën 1. Bashkëpunëtori i policisë, është paguar ai. Ai katër ditë prej datës 8 deri në 12 nuk ka qenë në Vlorë. Kjo do të thotë që pas arrestimit të Belerit kanë filluar të rregullojnë provat”, tha një prej avokatëve mbrojtës të Belerit.
