Edhe pse u transferua para një viti nga Lazio për 2 milionë euro, klubi i Besiktasit do të marrë një vendim të rëndësishëm për Ciro Immobilen. Sulmuesi italian pritet të largohet nga bardhezinjtë e Turqisë.
Këtë e ka konfirmuar vetë presidenti i Besiktasit, Serdar Adali në një prononcim për mediat. “Nuk do të ketë asnjë rinovim, Immobile do të largohet në fund të sezonit. Çështja është mbyllur”, shprehet presidenti 61-vjeçar.
Nga ana tjetër, sulmuesi 35-vjeçar ka shprehur dëshirën për të qëndruar edhe një sezon tjetër në Turqi. “Jam i motivuar për pjesën e mbetur të sezonit dhe akoma më i motivuar për vitin e ardhshëm. Dëshira ime e vetme është të luftoj për Besiktasin dhe ta përfaqësoj këtë fanellë në mënyrën më të mirë të mundshme”, shkruan Immobile në rrjetet sociale.
