Donald Trump dhe zgjedhjet në SHBA 2024… një histori për të cilën është derdhur shumë bojë. Ndër analizat për të ardhmen jo vetëm të SHBA-së, por edhe të planetit, dhe ajo e El Pais spanjolle, hedh një vështrim depërtues në skenën politike amerikane.
Ish-presidenti amerikan ka një orar të ngjeshur, me shumë paraqitje parazgjedhore dhe në gjykatë që do të ngjallin interesin e opinionit publik, por thuhet se ai po kalon mes burgut dhe Shtëpisë së Bardhë. Në varësi të rezultatit, ai mund të jetë protagonist jo vetëm i vitit 2024, por edhe i vitit 2025. Rikthimi i tij hipotetik në presidencë perceptohet si një rrezik për demokracinë amerikane, raporton El Pais në analizën e tij të vitit 2024.
Zgjedhjet presidenciale në SHBA, të planifikuara për 5 nëntor, do të jenë finalja e madhe pas një viti plot zgjedhje në mbarë botën.
Biden kandidon edhe për katër vite të tjera, por popullariteti i tij është shumë i ulët për shkak të moshës së tij të shtyrë, rritjes së inflacionit dhe faktorëve të tjerë të politikës së brendshme si rritja e krimit dhe imigrimit. Ai ka marrë një goditje edhe për politikën e tij të jashtme, sa i përket qëndrimit të tij për luftërat që po bëhen.
Ndërsa sondazhet tregojnë se Biden do të humbiste rizgjedhjen nëse do të përballej me një kundërshtar me më pak ngarkesë politike, siç shkruan “El Pais”, baza e Partisë Republikane e do Trump.
Në të njëjtën kohë, neveria që ajo shkakton tek votuesit e moderuar dhe të pavarur, është një shenjë e mirë për Partinë Demokratike.
Ish-presidenti është favorit për të fituar nominimin presidencial republikan.
Por përveç padive civile, ai është i pandehur në katër çështje penale (Uashington, Nju Jork, Florida dhe Xhorxhia), me akuza për gjithsej 91 vepra.
Kështu, Trump kthehet në qendrat e votimit pa marrë parasysh veprimet e tij në minimin e rezultateve të zgjedhjeve të 2020.
Trump ka një tjetër gjyq të planifikuar për në mars që përfshin pagesat e parave që ai dyshohet se ka bërë për të mbuluar skandalet që mund të shkatërrojnë fushatën e tij presidenciale 2016. Skandali më i spikatur ishte lidhja e tij jashtëmartesore me Stormy Daniels.
Më pas vjen çështja penale për krime në kundërshtim me ligjin e spiunazhit, si dhe pengim i drejtësisë, për mbajtje të paligjshme të materialeve të klasifikuara në posedim të tij pasi u largua nga Shtëpia e Bardhë.
Trump është zotuar hapur se do të ndjekë penalisht kundërshtarët e tij politikë nëse ai kthehet në detyrë, në shenjë hakmarrjeje për të gjitha akuzat e ngritura kundër tij.
Retorika e tij e dhunshme dhe autoritare është komentuar… Ai ka folur për emigrantët pa dokumente si “dëmtues për t’u shfarosur” që po “helmojnë gjakun e vendit”. Këto shprehje të kujtojnë kohët e Gjermanisë naziste, shkruan El Pais.
