Interi ka marrë një shuplakë të fortë sot në transfertë nga Bologna pasi është mposhtur me shifrat minimale 1-0. Një eurogol i Riccardo Orsolinit në minutat shtesë të takimit, vë në diskutim tashmë nëse zikaltrit marrin titullin apo jo.
Interi mbetet në vendin e parë të klasifikimit të Serie A, por tashmë është me pikë të barabarta me Napolin ndjekës. Golavarazhi i shpëton zikaltrit deri diku pasi janë +40, ndërsa napolitanët +27.
Nga ana tjetër, Bologna ka bërë një hap të madh në garën për zonën Champions. Skuadra e Italianos është ngjitur në vendin e 4-t të renditjes me 60 pikë, një më shumë se Juventusi që luan nesër ndaj Parmës.
