Kompanitë në Republikën Domenikane po përgatiten për një projekt pilot, ku parashihet që punonjësit të punojnë 4 ditë në javë dhe ky është hapi i parë i këtij lloji për vendin e Karaibeve.
Nisma do të nisë në shkurt, me punonjësit që do të kenë të njëjtën pagë, njoftoi qeveria Domenikane. Java standarde e punës u ul nga 44 orë në 36 orë, nga e hëna deri të enjten. “Ky orar iu jep përparësi punonjësve, përmirësimit të shëndetit dhe mirëqenies dhe promovimit të një produktiviti të qëndrueshëm dhe miqësor ndaj mjedisit”, tha ministri i punës, Luis Miguel de Camps.
Ndërmarrjet që pritej të merrnin pjesë përfshinin Claro, një kompani telekomunikacioni në Amerikën Latine; kompania e energjisë EGE Haina; IMCA, një biznes i pajisjeve të rënda; dhe agjencisë shtetërore të sigurimeve shëndetësore. Një universitet lokal ka për detyrë të analizojë rezultatet, duke përfshirë çdo ndryshim shëndetësor tek punëtorët dhe marrëdhëniet midis punës dhe jetës së tyre personale.
Aktualisht, kompanitë në Republikën Domenikane zakonisht ofrojnë për punonjësit tetë orë punë çdo ditë jave dhe katër orë të tjera të shtunave. Megjithëse, punonjësit në disa raste janë të lira të shpërndajnë orët e punës sipas dëshirës, për sa kohë që nuk janë më shumë se 44 orë në javë.
Britania në vitin 2023 nisi atë që konsiderohej prova më e madhe në botë e një jave pune katërditore dhe kishte rezultate pozitive. Disa kompani amerikane gjithashtu kanë kaluar në një javë më të shkurtër pune, ndërsa në Kili, ligjvënësit kanë miratuar një projekt-ligj për uljen e orëve javore së punës nga 45 në 40 orë./APNews – ZËRI/
