Vetëm një ditë përpara grumbullimit të kombëtares shqiptare, një lojtar i Superiores do të bashkohet me lojtarët kuqezi nesër në stërvitje. Bëhet fjalë për Klevis Kasën e Elbasanit.
Lajmin e ka konfirmuar vetë trajneri i verdhebluve, Ivan Gvozdenovic në prononcimin për mediat pas sfidës me Dinamon. Edhe pse nuk është pjesë e listës së Sylvinhos, anësori 21-vjeçar do të kryejë stërvitjen me kombëtaren, deri në plotësimin e grupit.
Që nga nesër, Kasa do t’i bashkohet lojtarëve të kombëtares për seancën stërvitore.
