Jamie Vardy do të largohet nga Leicester City. Tashmë gjithçka është zyrtare edhe nga vetë klubi anglez, i cili ka njoftuar që në fund të sezonit, Vardy nuk do të jetë më pjesë e tyre.
Një vendim të cilin 38-vjeçari e merr pas një “jete” përkushtimi, mundi dhe pasioni me fanellën e Leicester. Ai largohet kështu pas 13 vitesh nga ekipi me të cilin fitoi gjithçka në Angli dhe shkroi historinë.
Një Premier League, një FA Cup dhe një Superkupë ia doli që të fitonte Vardy me “Dhelprat”. Ndërkohë që ai vetë në 496 ndeshje, ia ka dalë që të shënojë 198 gola e të asistojë në 69 të tjerë.
