Largimi i Thomas Brdaric ka lënë stolin e Vllaznisë të “boshatisur”. Tashmë drejtuesit nuk kanë shumë kohë për të humbur, pasi duhet të gjejnë timonierin e ri për të nisur më pas me përforcimin e skuadrës për Conference League dhe sezonin e ri.
Kështu në Shkodër siç duket po projektohet edhe rikthimi i bujshëm. Bëhet fjalë për Edi Martinin, i cili pritet të rikthehet te kuqeblutë pas 15 vitesh. Shkodrani është në “pole – position” për të marrë në dorë “frenat” e shkodranëve dhe eksperienca e tij bën që drejtuesit ta mendojnë për rikthimin.
Kujtojmë se Vllazninë e ka drejtuar në vitin 2009-2010. Ndërkohë me Teutën ia ka dalë të fitojë titullin kampion në sezonin 2020-2021.
