Pavarësisht ngjitjes së fundit të Leeds United në Premier League nën drejtimin e Daniel Farke, shtypi anglez vazhdon të përhapë thashetheme për një lamtumirë të mundshme të trajnerit gjerman. Ndër emrat e lidhur me stolin e tryre, spikat ai i Jose Mourinhos. Duke i hedhur “benzinë zjarrit” është Stephen Warnock, ish-lojtar i Leeds, i cili i tha “Casino Apps”:
“Unë ende mendoj se Farke mund të largohet sepse mendoj se ai është një menaxher i Championship. Do ta kuptoja nëse ky do të ishte vendimi. Nëse do të isha unë ai që e merrja, ndoshta do të bëja të njëjtën gjë. Nëse pronarët e Leeds do të donin ta zëvendësonin atë, ata duhet të zgjidhnin dikë me përvojë dhe që e njeh mirë ligën.
Tifozëve nuk do t’u pëlqente ta dëgjonin këtë, por unë do të shikoja Jose Mourinhon. Ai nuk do ta fitojë Premier League, por ai di mjaftueshëm për të qëndruar në të. Ai do të ishte një kandidat i mirë. Mendoj se ata mund të sigurojnë qëndrueshmërinë e tyre sezonin e ardhshëm. Por ata kanë nevojë për nënshkrime”.
Fjalët e Warnock vijnë në një kohë kur shtypi turk po spekulon gjithashtu për largimin e Mourinhos nga Fenerbahce. Trajneri portugez, 62 vjeç, ka kontratë me klubin e Stambollit deri në vitin 2026, por një sezon i konsideruar nën pritjet mund të çojë në një “divorc” të parakohshëm.
