Ardhja e trajnerit Klodian Duro në “timonin” e Liria e Prizrenit ka “zgjuar” ekipin. Pas disa lëvizjesh të bujshme në tregun e transferimeve, i radhës është “senatori” i futbollit shqiptar, Ylli Hoxha.
Aventura e fundit e Hoxhës përkon me Suharkën. Mesa duket Duro e ka studiuar mirë repertorin e 37-vjeçarit dhe beson se eksperienca e tij do të ndihmojë ekipin të arrijë objektivat.
Ylli ka dhënë një kontribut të rëndësishëm në futbollin shqiptar, pasi nga sezoni 2012 deri në 2015 mbajti veshur fanellën e Kukësit, pa harruar aventurën te Flamurtari dhe Vllaznia.
