Në përfundimin e sezonit të Superiores, Artan Jazxhi u largua nga Teuta për klubin tjetër të kampionatit. Qendërmbrojtësi 24-vjeçar mbylli aventurën me durrsakët për t’u bashkuar me Vllazninë.
Më 15 qershor pak më shumë se një muaj më parë, Artan Jazxhi u prezantua si lojtari më i ri i Vllaznisë. Megjithatë, fotoja e fundit e publikuar ditën e djeshme nga Teuta ka bërë bujë.
Aktualisht, durrsakët ndodhen në fazë përgatitore në Ohër dhe kanë publikuar një fotografi të ekipit dhe stafit teknik. Aty shihet Artan Jazxhi i veshur me ngjyrat blu të ekipit, edhe pse para një muaji u transferua te Vllaznia.
