Rei Manaj është zyrtarisht lojtar i Sharjah FC. Një zgjedhje befasuese, që nuk ishte menduar para këtë muaji, kur dolën edhe zërat për kalimin e tij te klubi i Emirateve të Bashkuara Arabe.
Manaj ka firmosur për dy vite. Më parë është raportuar se Sivaspor do fitojë 2 milionë euro nga kjo lëvizje.
Në anën tjetër për Manajn është treguar paga 2.5 milionë euro, që e bën rrjedhimisht një nga më të paguarit e Kombëtares. Prej kohësh Manaj nuk i kishte mirë marrëdhëniet mirë me Sivaspor, që duke pasur edhe vetëm 1 vit kontratë nuk mund të rezistonte.
