Luftëtari kërkon të jetë konkurrent për t’u ngjitur në Superiore për sezonin e ardhshëm. Ditën e sotme, klubi gjirokastrit ka përforcuar ekipin me transferimin e radhës.
Bëhet fjalë për Herti Bashtarin i cili bashkohet me zikaltrit e Kategorisë së Parë në huazim nga Partzani. Lajmin e ka bërë të ditur vetë klubi i Luftëtarit nëpërmjet një postimi në rrjetet sociale.
Njoftimi zyrtar i Luftëtarit:
AF Luftëtari njofton afrimin e mesfushorit të ri Herti Bashtari, i cili do të përfaqësojë ngjyrat Blu e Zi në sezonin e ardhshëm.
19-vjeçari me origjinë nga Gjirokastra është formuar në akademitë e Tiranës dhe Partizanit, duke fituar eksperiencë të rëndësishme në zhvillimin e tij si lojtar.
Bashari shihet si një premtim i së ardhmes për klubin, duke qenë pjesë e projektit afatgjatë të Luftëtarit për rritjen e elementëve cilësorë vendas.
I urojmë suksese dhe zhvillim me fanellën Blu e Zi!
