Kombëtarja shqiptare do të luajë të shtunën e 11 tetorit në transfertë përballë Serbisë, në kuadër të kualifikueseve të Botërorit 2026. Sfida që do të zhvillohet në stadiumin e Leskovacit do të nisë në orën 21:00.
Tashmë UEFA ka vendosur edhe për grupin e arbitrave që do të gjykojnë në këtë sfidë.
Në rolin e arbitrit kryesor do të jetë Istvan Kovacs, i cili vjen nga vendi që urren Kosovën, Rumania. Ndihmësit e tij do të jenë po nga Rumania, Mihai Marica dhe Ferencz Tunyogi, ndërsa rumun do të jetë edhe i katërti, Horatiu Fesnic.
Ndërkohë që dhoma e VAR-it i është besuar dyshes gjermane, Bastian Dankert dhe Pascal Muller.
Vlen të përmendet, se arbitri rumun gjykoi finalen e UEFA Champions League, mes Paris Saint-Germain dhe Inter, sfidë e cila u fitua nga francezët me shifrat 5-0.
