Pak orë na ndajnë nga starti i ndeshjes së rëndësishme të kombëtares shqiptare ndaj Serbisë. Përballja do të zhvillohet në mbrëmje në orën 20:45 në stadiumin e Leskovacit.
Në prag të kësaj sfide të rëndësishme të kuqezinjve, dy lojtarë të serbve kanë marrë inkurajim. Bëhet fjalë për Dusan Vlahovic dhe Filip Kostic, të cilët kanë marrë mesazh publik nga Juventusi.
Bardhezinjtë i kanë uruar fat të dy futbollistëve serbë përpara sfidës me Shqipërinë. Të njëjtën gjë Juventusi bëri edhe dje duke i uruar fat Zhegrovës për takimin mes Kosovës dhe Slloveninë.
