Maldini Kacurri ishte protagonisti kryesorë në ndeshjen që Morecambe fitoi me shifrat 2-0 ndaj Brackley Town. Futbollisti i Kombëtares gjeti rrugën e rrjetës, duke shënuar golin e dytë për të tijtë.
Qendërmbrojtësi bëri rolin e një “bomberi”në zonë, ku me një gjuajtje të fortë në minutën e 70-të do të “çante” rrjetën e kundërshtarëve. Në realizim fantastik nga futbollisti kuqezi, i cili shënon kështu edhe golin e parë me skuadrën në angleze.
Siç dihet Kacurri është në pronësi të Arsenal, teksa luan si i huazuar te Morecambe në ligën e 5-të angleze. Ndërkohë sa i takon Kombëtares shqiptare, siguroi për herë të parë ftesën e Sylvinhos në muajin shtator, teksa debutoi me kuqezinjtë në miqësoren ndaj Gjibraltarit.
