Është duke u luajtur ndeshja mes Korabit dhe Luftëtarit në Peshkopi, e vlefshme për javën e 12-të në Kategorinë e Parë.
Në “frymën e fundit” të pjesë së parë, arbitri kryesor Indrit Myrtraj sinjalizon pas kontaktit penallti për vendasit, ndërsa skuadra e Luftëtarit nisi protestat, aq sa pati ndikim edhe nga pankina që ata të braktisnin ndeshjen.
Jo vetëm kaq, mosmarrëveshjet në grupin e ekipit gjirokastrit ishin në masë, deri në pikën ku dy lojtarë të tyre filluan të shtynin njëri-tjetrin, por u evitua përplasja fizike.
