Sulmuesi i Shqipërisë U-19 Deivid Hoxha, përjetoi ditë të veçantë në karrierë, ndonëse nuk shkoi ashtu siç duhet. 18-vjeçari debutoi si titullar për herë të parë me Panetolikos.
Ekipi në fjalë u përball ndaj Aris, ndërsa u mposhtën 0 – 1, ndeshje e vlefshme për javën e 19-të në Superligën greke. Hoxha ishte në fushë deri në minutën e 24-të, i ndëshkuar me karton të kuq, paraqitje për t’u harruar.
Me Panetolikos U-19, numëron 12 gola dhe 2 asiste në 29 prezenca. Vlen të përmendet se në vitin 2025, talenti Deivid Hoxha la moshat e Greqisë për Shqipërinë, duke bërë zgjedhje “zemre”.
