Olti Hyseni është talenti shqiptar që po spikat me Danimarkën në Europianin U-19. Dje i shënoi dy supergola Uellsit U-19, ndërsa danezët fituan 3 me 0 në raundin e tretë të Grupit A.
Sulmuesi shqiptar mbajti edhe shiritin e kapitenit në sfidën me Uellsin. Ndërkohë zhbllokoi sfidën në minutën e 20-të, ndërsa rezultatin e vulosi në minutën e 63-të.
Hyseni qëndron i dyti në renditjen e golashënuesve me tre gola pasi më parë i shënonte Gjermanisë. Danimarka ndërkohë e mbylli si vend i tretë në grup pas Spanjës dhe Gjermanisë duke siguruar “play off”.
Sulmuesi 18-vjeçar është një nga talentet më të vlerësuar në Danimarkë për krahun e majtë. Në elitë luan me ekipin e Sonderjyske. Mbetet për t’u parë nëse FSHF apo Federata e Futbollit të Kosovës do e bindin për t’u larguar nga Danimarka. Kjo pasi ka luajtur në të gjithë moshat e këtyre të fundit.
Goli i parë i Olti Hyseni: (VIDEO)
Goli i dytë i Hysenit: (VIDEO)
