Në mbledhjen e sotme të qeverisë me kryebashkiakët në Shkodër, mungonte kryebashkiaku i zgjedhur i Himarës, Fredi Beleri, pasi ai ndodhet në burg me akuzën e blerjes së votave.
Kryeministri Edi Rama tha se për ripërsëritjen e zgjedhjeve në Himarë, pritet vendimi i Gjykatës së Apelit, dhe shtoi se në fund do të jetë në pritje të caktimit të një date që i përket si kompetencë Presidentit.
Rama pati edhe një kritikë indirekte ndaj Athinës, ndërsa tha se “për mua që nuk komentoj vendimet e drejtësisë, më duket paksa jo normale që të ndërhyhet në çështjen e drejtësisë”.
“Ju e dini mirë pse nuk kemi pasur zgjedhje. Ka qenë një shfaqje e vullnetit të mirë nga ana e Shqipërisë. Duhet të presim vendimin e apelit dhe pastaj duhet të veprojmë sipas ligjit.
Ju kujtoj që zgjedhjet nuk i shpall Kryeministri, por Presidenti. Është një proces që do ndjekë procedurën ligjore.
Do kishte qenë fortë e udhës që drejtësia të ishte lënë e qetë, siç e kemi lënë ne të qetë për këdo brenda, sepse është drejtësia shqiptare që lidhet me qytetarët e Shqipërisë. Zotëria është një qytetar i Shqipërisë, nuk është as mbi të tjerët dhe as nën të tjerët, pasi ligji është i barabartë për të gjithë.
Për ne që nuk komentojnë vendimet e drejtësisë, tingëllon paska cingëriste që dëgjojmë zëra që komentojnë vendimet e Shqipërisë”, tha Rama.
