Ndjekësit në rrjetet sociale shpesh publikojnë të dhënat se sa kanë kushtuar veshjet e banorëve të Big Brother, ndërsa mbrëmjen e djeshme në lupën e tyre ka qenë dhe moderator Ledion Liço.
Ky i fundit kishte zgjedhur mbrëmjen e djeshme një kostum nga Gucci, me detaje gjarpërinjsh, i cili sipas ndjekëse ka kushtuar mijëra euro. E gjithë veshja e Ledionit, sipas publikimit në faqet online, për spektaklin e djeshëm ka kushtuar 5475 euro.
Jo keq, por këtë vit Ledioni ka qenë një prej protagonistëve më të komentuar të spektaklit, pasi u rikthye në moderim pas shumë vitesh në skenë, duke spostuar ish-mikeshën e tij Arbana Osmani.
