Një shqiptar ka rënë në prangat e policisë spanjolle pasi kishte urdhër gjykate për arrestimin e tij. Sipas mediave të huaja, i riu është pikasur nga policia e trafikut gjatë një kontrolli të sigurisë në aksin rrugor.
Policia Vendore e Cambrils në Spanjë kanë ndaluar automjetin e dyshimtë, ku i riu shqiptar është identifikuar me patentë dhe pashaportë greke, por pas verifikimit nga agjentët e rrugores, dokumentetet e dorëzuara kanë rezultuar se ishin false. Autoritetet policore arrestuan të riun shqiptar për falsifikim dokumentesh, me inicialet A.Z, 31 vjeç sipas pashaportës greke.
Pas përpjekjeve të kryera me Korpusin e Policisë Kombëtare dhe Mossos d’Esquadra, u bë i mundur identifikimi i të arrestuarit si K. B, 31 vjeç dhe me kombësi shqiptare dhe me identitetin e tij të vërtetë u vërtetua se një urdhër arresti ishte ndaj tij nga gjykatat hetuese të Torrox në Málaga
