Tani është zyrtare, Stefano Pioli është trajneri i ri i Al Nassr. Këtë e ka bërë të ditur vetë klubi arab në “Instagram”. Ish-tekniku që u shpall kampion me Milanin, tashmë do të trajnojë Kristiano Ronaldon dhe Marçelo Brozoviç: “Pioli është Nassrawi. Mirëpresim Stefano Piolin si trajnerin e ri”.
Pioli nënshkroi një kontratë që do t’i lejojë atij të fitojë 12 milionë euro në sezon plus bonuse për 3 vitet e ardhshme, një pagë që askush në Serie A nuk mund ta garantonte.
