Kombëtarja shqiptare ka mbyllur pjesën e parë ndaj Ukrainës, e cila po luhet në kuadër të raundit të 6-të të Nations League. 45 minutat e para të ndeshjes që po zhvillohet në “Air Albania”, janë mbyllur 0-2.
Ukrainasit gjetën rrugën e rrjetës dy herë në 10 minutat e para të lojës. Si fillim ishte Zinchenko në minutën e 5-të të sfidës, teksa për golin e dytë mendoi Yaremchuk në të 10-tën.
Me këtë humbje, Shqipëria momentalisht renditet në vendin e fundit në grupin B1, pasi Çekia po fiton 2-0 kundër Gjeorgjisë. Në këto pozita, kuqezinjtë zbresin në Ligën C të Nations League.
Shqipëri 0 – 2 Ukrainë (Zinchenko 5′, Yaremchuk 10′)
Nations League: Raundi 6
Stadiumi: “Air Albania”
Arbitër: João Pinheiro
FORMACIONET ZYRTARE:
Shqipëria (4-3-3): Strakosha: Mitaj, Ajet, Ismajli(K), Balliu: Laçi, Ramadani, Asllani: Muçi, Daku, Asani. Trajner: Sylvinho.
Ukraina (4-1-4-1): Trubin: Konoplya, Zabarnyi, Matviienko, Mykolenko: Kliuzhnyi: Gutsulyak, Zinchenko, Sudakov, Mudryk: Yaremchu. Trajner:Sergiy Rebrov.
LIVE:
46′ Myrto Uzuni i sapofutur në lojë, Shqipëria pranë golit. (Uzuni merr vendin e Dakut, Bajrami të Asanit)
45+1′ Muç pranë supergolit.
10′ Ukraina dyfishon shifrat me Yaremchuk.
5′ Ukraina kalon në avantazh me Zinchenko.
1′ Për Kombëtaren shqiptare si një FINALE, nis sfida përballë Ukrainës në “Air Albania”.
