Para pak javësh, futbollisti i West Ham Michail Antonio, u përball me një aksident të frikshëm. Jeta e sulmuesit xhamajkan u rrezikua seriozisht në aksidentin automobilistik, megjithatë ai tashmë e ka marrë veten.
“Gëzuar Vitin e Ri, së shpejti do të rikthehem në fushë. Këtë vit e di shumë mirë se për çfarë duhet të jem mirënjohës, që jam gjallë”, shprehet lojtari në faqen zyrtare të klubit.
Nga aksidenti që pësoi, Antonio i është nënshtruar një operacioni delikat për një frakturë në gjymtyrët e poshtëm. Tashmë lojtari është në fazë rehabilitimi e cila do të zgjasë jo pak.
