Arijon Ibrahimovic u transferua zyrtarisht te Lazio. Sulmuesi me origjinë shqiptare tashmë është një lojtar i ekipit italian në formë huazimi, teksa kartoni i tij mbetet në pronësi të Bayern Munich.
Këta të fundit e kanë konfirmuar këtë transferim, me anë të një postimi në rrjetet sociale. Klubi gjerman lajmëron mbi huazimin e shqiptarit dhe i uron këtij të fundit sa më shumë fat në aventurën e re.
“Arijon Ibrahimovic do të jetë në formë huazimi te Lazio deri në fund të sezonit aktual. Të urojmë sa më shumë fat të mirë Arijon”, shkruan klubi i Bayern Munich në faqen zyrtare.
