Dinamo është shumë pranë transferimit të Tomas Kirit. Ky i fundit është një portieri 20 vjeçar, shqiptar, që aktivizohet në futbollin italian. Kiri është pjesë e skuadrës së Riccione, e cila militon në Serie D.
Klubi dinamovit ka arritur akordin dhe nga momenti në moment pritet që shqiptari të bëhet pjesë e organikës së Ilir Dajës. Kujtojmë se për 20 vjeçarin ky do të ishte një rikthim në futbollin shqiptar.
Tomas Kiri
Më parë, Kiri ka mbajtur veshur fanellën e Vllaznisë, Shkëndijës së Tiranës, Tiranës dhe Kastriotit. Gjithashtu, portieri ka luajtur edhe me moshat e Kombëtares shqiptare ,nga U15 deri te U19.
