Ian Soler do të vazhdojë që të jetë pjesë e Tiranës. Mesfushori spanjoll ka vendosur të rinovojë kontratën e tij me bardheblutë, pasi bashkëpunimi përfundonte më 30 qershor të këtij viti.
Në prag të derbit të kryeqytetit përballë Partizanit, klubi i Tiranës ka bërë një lëvizje mjaft të rëndësishme. 29 vjeçari nuk do të largohet nga Superiorja, duke vazhduar të jetë një “bardheblu”.
Njoftimi i Tiranës:
Ian Soler rinovon me Tiranën edhe për një sezon. Mesfushori ka arritur dakordësinë me klubin për të qënë edhe në vazhdim pjesë e ekipit. Numri 6 i bardhebluve do të vijojë të mbajë veshur fanellën më të bukur në botë. Suksese Ian!
