Janë zbardhur detaje të reja lidhur me vrasjen e 30-vjeçares me shtetësi të huaj në Tiranë.
Trupi i saj i pajetë është gjetur ditën e sotme rreth mesditës nga pronari i banesës, ku sipas raportimeve kishte plagë me thikë në bark dhe krahë.
Pista e hetimit është vrasja nga partneri, ndërsa dyshohet se ngjarja ka ndodhur disa ditë më parë.
Njoftimi i policisë:
Rreth orës 12:55, në rrugën “Gjon Muzaka”, është gjetur pa shenja jete në banesën që kishte marrë me qira, një shtetase (dyshohet e huaj), rreth 30 vjeçe.
Gjatë këqyrjes paraprake të trupit janë konstatuar plagë që dyshohet se janë shkaktuar me mjet prerës.
Trupi i pajetë do t’i nënshtrohet ekspertizës mjekoligjore.
Grupi hetimor po punon për identifikimin e kësaj shtetaseje, sqarimin e rrethanave dhe dokumentimin ligjor të rastit.
