Të dielën në mbrëmje, Atalanta do të udhëtojë drejt Torinos për t’u përballur me Juventusin për javën e 28-të të Superiores. Një përballje direkte kjo mes ekipit bardhezi dhe zikaltërve të Bergamos për vendin e 3-të të kampionatit italian.
Gian Piero Gasperini po punon që të rikthejë në stërvtije disa prej mbrojtësve të dëmtuar. Bëhet fjalë për Giorgio Scalvini, Odilon Kossonou dhe Isak Hien që nuk janë në dispozicion të trajnerit në ndeshjet e fundit.
Mbrojtësi suedez ditën e sotme ka kryer punë individuale dhe shpreson të rikthehet në ndihmë të Berat Gjimshitit për ditën e diel. Ndërsa Scalvini dhe Kossounou nuk priten të rikthehen për këtë sfidë të madhe.
