Ndër lojtarët më të rëndësishëm, që aktualisht luajnë në ligën e Arabisë Saudite janë Cristiano Ronaldo, Neymar, Karim Benzema, Aleksandar Mitrovic, Riyad Mahrez, Sergej Milinkovic-Savic, Sadio Mane, Georginio Wijnaldum apo Roberto Firmino.
Por nga viti 2024, sauditët planifikojnë të fillojnë “një sulm të ri për yjet më të mirë të futbollit”, raporton “The Telegraph”, i cili njofton se po përgatitet një ndryshim në rregullore për të lejuar praninë e më shumë të huajve në skuadra.
Aktualisht, klubet e Ligës Saudite Pro kanë të drejtë të kenë më së shumti 8 të huaj në skuadër, por nga sezoni i ardhshëm kufiri do të rritet në 10, bën të ditur burimi i cituar, duke thënë se tashmë ka pasur diskutime me klubet lidhur me këtë ndryshim, që duhet të zyrtarizohet.
Al Nassr hasi në një problem të këtij lloji kur transferoi Cristiano Ronaldon. Për shkak se kishte arritur kufirin e lojtarëve të huaj, klubi saudit duhej të hiqte dorë nga kamerunasi Vincent Aboubakar në mënyrë që të mund të regjistronte CR7.
Kush janë lojtarët e huajt që kanë aktualisht klubet më të mira në Arabinë Saudite?
Al Hilal: Bono, Kalidou Koulibaly, Ruben Neves, Sergej Milinkovic-Savic, Neymar, Michael, Malcom, Aleksandar Mitrovic
Al Nassr: Aymeric Laporte, Alex Telles, Marcelo Brozovic, Seko Fofana, Otavio, Talisca, Sadio Mane, Cristiano Ronaldo
Al Ahli: Edouard Mendy, Roger Ibanez, Merih Demiral, Gabri Veiga, Franck Kessie, Allan Saint-Maximin, Riyad Mahrez, Roberto Firmino
Al Ittihad: Marcelo Grohe, Luiz Felipe, Fabinho, N’Golo Kante, Igor Coronado, Karim Benzema, Romarinho, Abderrazak Hamdallah
