Egnatia do të përballet me Partizanin për të luajtur një nga gjysmëfinalet e “Final Four”. Supersfida që do të zhvillohet në “Arena Kombëtare” më 5 maj, do të startojë në orën 20:00.
Ndërkohë pas shortit, ka ardhur reagimi i parë edhe nga mesfushori i rrogozhinasve, Regi Lushkja. Ish-i i Tiranës po kalon një sezon fantastik me golat e tij, teksa ka ardhur reagimi edhe në rrjetet sociale.
“Fokusohu tek qëllimi”, shkruan Lushkja në profilin e tij në “Instagram”. Kujtojmë që këtë sezon, mesfushori po bën mjaft mirë, ku në 43 ndeshje, ia ka dalë të shënojë 14 gola e asistojë në 3 të tjerë.
