Lecce – Torino ishte ndeshja më spektakolare e mesditës së sotme. Takim ky që përfundoi 2-1 për vendasit dhe ishte i vlefshëm për javën e 13-të të Serie A.
Në këtë përballje protagonistë absolutë ishin mesfushorët e Kombëtares shqiptare. Medon Berisha dhe Ylber Ramadani luajtën kundër Kristjan Asllanit.
22-vjeçari shqiptar i Leçes arriti të asistonte 2 herë në golat e skuadrës së tij, ndërsa nga krahu tjetër Asllani humbi një penallti dhe i “hoqi” mundësinë Torinos në barazonte shifrat në fund.
Pas ndeshjes “Soffascore” ka vendosur edhe notat për secilin lojtar. Kështu nga shqiptarët notën më të lartë e ka marrë Medon Berisha, i cili është vlerësuar me 8.8. Madje ka notën më të lartë se të gjithë futbollistët e tjetër, duke qenë lojtari më i mirë.
Ndërkohë me 6.6 ëhstë vlerësuar Ylber Ramadani, teksa penalltia e humbur i ka “kushtuar” shumë Asllanit, i cili është vlerësuar me 6.2.
