Adriatik (Andrea) Kalemi, i shpëtoi vdekjes për të tretën herë! Më 15 dhjetor, në momentin që po mblidhte gjërat e tij në qeli për të fituar lirinë e për tu kthyer në Shqipëri, Kalemit iu bë prita e tretë. Një 28-vjeçar egjiptian, i cili siç raportohet deri më tani dyshohet se është paguar për ta vrarë, nuk e la të kalonte derën e hekurit. Ai nxorri një thikë dhe e qëlloi në shpatull dhe pasi 51-vjeçari ra në tokë, u largua.
Tashmë kanë kaluar dy ditë nga ngjarja dhe Kalemi është jashtë rrezikut për jetën e po kurohet në Shqipëri, ndërsa egjipitiani po gjykohet për vrasje të mbetur në tentativë.
Por kush është Adriatik (Andrea) Kalemi?
Adriatik Kalemi është bërë një emër i njohur përdrejtësinë që në vitin 2001, kur u arrestua nga forcat speciale RENEA, pasi ishte shpallur në kërkim ndërkombëtar nga autoritetet e drejtësisë belge.
Në atë kohë, ai akuzohej se në bashkëpunim me vëllnë e tij, Fatmir Kalemi u kishin bërë atentat dhe kishin lënë të vdekur vëllezërit shqiptarë Mevlan e Adriatik Çaça. Ngjarja e rëndë ndodhinë Anderleht të Belgjikës, më 13 prill 2001. Por kjo nuk është ngjarja e vetme në të cilën do të përmendej emri i Adriatik Kalemit.
Në vitin 2017, Adriatik Kalemi ishte titull kryesore në të gjitha mediat vendase kur ashkë me dy persona të tjerë, në gjendje të dehur dhunuan me shufër hekuri një efektiv policie, i cili përfundoi në spital.
Përveç përfshirjeve në përplasje të ndryshme me grupe kriminale dhe me Policinë e Shtetit, Andrea Kalemi njihet edhe si një biznes. Ai rezulton bashkëpronar i kompanisë “Shiza Kalemi” sh.p.k me adrese ne Memaliaj, i “Las Palmas” në Tiranë si dhe i një rrjeti biznesesh e pasurish të patundshme si bar-kafe, restorant, agjensi shit-blerjesh, parkim automjetesh, lavazh, hotele, etj.
Por, në vitin 2022 iu dha një goditje!
Nipi i tij, Aleksandër Sadikaj i njohur dhe si “Aleksi i Memaliajt” ose “Sancho”mbeti i vrarë në një atentat të realizuar me shpërthimin e një eksplozivi në Tiranë. Vetëm 28 vjeç, i riu u vra në mënyrë makabre në kryeqytet dhe pamjet e rënda kur ai nxirrej nga mjeti i gjymtuar, pushtuan të gjithë rrjetin.
Hakmarrja erdhi…
Në Dhjetor të të njëjtit vit u vra biznesmeni biznesmeni Edmond Papa, në zonën e Selitës në Tiranë. Ai ishte një nga emrat kryesorë që dyshohej se qëndronte pas vrasjes së Sadikajt pas përplasjeve për pazaret e drogës.
Deri më tani në pranga për vrasjen e Papës është vendosur Albano Velo, si dhe është shpallur në kërkim Andrew Bode. Të dy shfaqen në një foto me Kalemin, duke e implikuar qartë këtë të fundit në vrasjen e Edmond Papës.
Pushimet e shkatërruara
Pushimet e kësaj vere, pavarësisht se vendosi t’i kalonte në ishullin grek Paxos, nuk ishin fort relaksuese për Kalemin. Më datë 5 gusht, ai u qëllua të paktën 10 herë në sy të tre fëmijëvedhe bashkëshortes së tij nga një person i maskuar që arriti të largohej pa u vënë re nga askush. Dyshimet binin mbi familjen e Papës.
Kalemi u dërgua në Qendrën Shëndetësore Paxos dhe më pas në Spitalin Universitar të Janinës. Pasi u kurua, u dërgua në burgun grek Koridhalo pasi përballja me autoritetet e vendit fqinj zbuloi se kishte dosje të pambyllura me drejtësinë helene.
Burgut i erdhi fundi, por jo sulmeve, pasi në momentin që po bëhej gati të linte qelinë, u sulmua sërish më 15 dhjetor.
I gjithë zinxhiri i vrasjeve dhe atentateve që dyshohet se lidhet me prishjen e pazareve të drogës, nuk dihet se kur do të marrë fund…
