Ambasadori amerikan në Serbi, Christopher Hill është kërcënuar me vdekje pas vizitës që ia ka bërë Fakultetit të Filozofisë në Universitetin e Novi-Sadit. Kërcënimet janë paraqitur në rrjete sociale, pas publikimit të videos së Hillit me profesorin Dinko Gruhonjiç.
“Një plumb për të dy”, ‘Varje në dru’- ishin mesazhet që raportohen nga media serbe se u shfaqën në mediat sociale.
Fakulteti Filozofik njoftoi se ambasadori amerikan vizitoi Fakultetin dhe Departamentin e Studimeve të Medias. Shtohet se ambasadori amerikan ka folur me mësues dhe studentë për gjendjen e lirisë së mediave në Serbi dhe kërcënimet e gazetarëve, profesorëve dhe studentëve në Novi Sad.
Hill cilësohet si një ndër diplomatët me mirëkuptimin më të madh për qëndrimin e Beogradit në politikën e jashtme.
