Egnatia vazhdon të mos i ndahet vendit të parë. Rrogozhinasit fituan ngushtë ndaj Elbasanit po kaq mjafton që Superiorja të kryesohet nga skuadra e Edlir e Tetovës.
Vllaznia po ashtu korri sukses, po ndryshe nga kampionët në fuqi shkodranët ia dolën pa shumë vështirësi. Në “Loro Boriçi” Bylisi nuk pati fuqi t;i përmbahet kueqbluve që vulosën fitoren me 3 gola në shtëpi. Aq mjaftoi që Vllaznia të parakalojë Partizanin në renditje dhe të mos i ndahet synimit për vcendin e parë.
Të kuqtë që u parakaluan nga ekipi i Brdaric dolën pa humbje në derbi. Tirana kaloi e para në avantazh, por “Demat” në fund morën 1 pikë në derbin historik që siç pritej u shoqërua me tensione. Partizani ngel në vend të tretë, një fitore larg Vllaznisë, ndërsa bardheblutë gjenden sërish në zonën e ftohtë të tabelës ku sot rrezikojnë të parakalohen nga Teuta ose të barazohen me pikë me Skënderbeun.
Kujtojmë që Superiorja nuk është mbyllur ended he priten dy takime sot për të përmbushur pasqyrën e klasifikimit. Skënderbeu-Laçi dhe Teuta-Dinamo mbyllin javën dhe në varësi të tyre do të mësohet më shumë për zonën e rënies dhe zonën e Final Four.
