Adrion Pajaziti po kalon një sezon mjaft të mirë me Goricën në kampionatin kroat. Mesfushori i Kombëtares shqiptare është bërë protagonist edhe ditën e sotme.
22-vjeçari ka arritur të gjejë rrjetën në përballjen e sotme në shtëpi përballë Hajdukut të Splitit. Në minutën e 48-të të takimit, Pajaziti u gjend brenda zonës dhe arriti të shënojë në trekëndësh të portierit kundërshtar.
Ky ishte goli i tretë këtë sezon për shqiptarin në kampionatin kroat në 22 paraqitje të zhvilluara. Në 5 ndeshjet e fundit me skuadrën e Goricës, Pajaziti ka arritur të shënojë tre gola.
