Vllaznia është mposhtur në miqësoren përballë Olimpija Ljubljana. Ndeshja e zhvilluar në Slloveni dhe që nisi në orën 18:00 përfundoi me rezultatin 4-0 në favor të vendasve.
Për shkodranët ndeshja nisi shumë keq. Kjo pasi që në fillim, Vllaznia mbeti me 10 lojtarë, pasi qendërmbrojtësi Artan Jazxhi u ndëshkua me karton të kuq duke “fikur” të tijët.
Në krahun tjetër, Olimpija Ljubljana shënoi nga dy gola për secilën pjesë. Kujtojmë se ndeshja e radhës për shkodranët është në Conference League, përballë Daugavpils.
