Një deputete në Zelandën e Re, ka dhënë dorëheqjen pas akuzave të shumta për vjedhje dyqanesh, të cilat policia po i heton.
Golriz Ghahraman, e Partisë së Gjelbër, dyshohet se ka vjedhur tre herë nga dy dyqane veshjesh – një në Auckland dhe tjetra në Wellington.
“Stresi i lidhur me punën më bëri që të dal jashtë karakterit”, tha deputetja. “Kam zhgënjyer shumë njerëz dhe më vjen shumë keq”, shtoi ajo.
Zonja Ghahraman u largua nga Irani si fëmijë me familjen e saj, të cilëve të gjithë iu dha azil politik në Zelandën e Re.
Dorëheqja e saj të martën vjen pasi u shfaqën pamjet e ÇTV-së që tregonin se ajo merrte një çantë stilisti nga një butik në Auckland.
