Një ngjarje e papritur ka ndodhur në Itali, ku fizioterapisti i klubit të Leçes, Graziano Fiorita është ndarë nga jeta. Ende nuk dihen shkaqe e ndarjes nga jeta të 38-vjeçarit, i cili ka lënë pas një dhimbje të madhe.
Graziano Fiorita
Ndërkohë ndeshja Atalanta – Leçe e planifikuar për mbrëmjen e së premtes është shtyrë. Klubi i Leçes dhe dy futbollistët e Kombëtares shqiptare, Ylber Ramadani e Medon Berisha janë në zi, duke përjetuar një moment tepër të vështirë.
Kujtojmë se Graziano Fiorita ka qenë pjesëtari klubit të Leçes prej 20 vitesh. Ndërkohë drejtuesit më të lartë të Leçes së bashku me stafin dhe lojtarët janë nisur menjëherë për të qenë pranë familjes së fizioterapistit.
