Rasmus Hojlund u ble nga Manchester United për shumën e 77 milionë eurove dy vite më parë, por sulmuesi danez rezultoi dështim. Në këto kushte, Hojlund po përgatit largimin nga Anglia.
Është Juventusi, klubi që ka më së shumti interes për shërbimet e 22-vjeçarit. Ky i fundit shihet nga drejtuesit e “Zonjës së Vjetër”, si përforcimi i duhur për repartin e sulmit.
Drita jeshile pritet që të jepet nga ish-sulmuesi i Atalantës, teksa gjithçka mbetet në dorë të klubit të Manchester United.
Këtë sezon me “Djajtë e Kuq”, Hojlund ka luajtur në 47 ndeshje, duke shënuar 9 gola e asistuar në 4 të tjerë. Statistikat nuk kanë bindur United dhe në këto kushte kërkon blerës.
