Dinamo ka nisur punën për përforcimin e ekipit, në mënyrë që në fazat e Conference League të ketë një organikë solide. Pasi mbylli marrëveshjen me mbrojtësin e djathtë të Vorës, Ysni Ismaili, dinamovitët nuk ndalen.
Ilir Daja do në ekip një mesfushor cilësor dhe Dinamo ka nisur “peshkimin” te Prishtina. Bardheblutë e kryeqytetit të Kosovës kanë në skuadër një mesfushor cilëor. Bëhet fjalë për Drilon Islamin, i cili sezonin e fundit mbajti edhe shiritin e kapitenit te bardheblutë.
Klubi i Superiores është pranë transferimit të mesfushorit 24-vjeçar, i cili duket se është i gatshëm për një aventurë në Shqipëri. Në sezonin që lamë pas, mesfushori me tipare mbrojtëse ka shënuar 1 gol dhe ka asistuar në 2 të tjerë.
