Prishtina dhe Dukagjini kanë barazuar ditën e sotme, në një ndeshje mes dy golave. Sfida e vlefshme për javën e 28-të të Superligës së Kosovës, përfundoi me shifrat 1-1.
Ekipi i Dukagjinit kaloi në avantazh që në minutën e 10-të. Ndërkohë që vetëm një minutë më vonë, kryeqytetasit ia dolën që të rikthenin baraspeshën, me anë të Ilievskit.
Kështu, Prishtina shkon në kuotën e 43 pikëve, duke mbajtur vendin e 3-të. Në krahun tjetër me 35 pikë të grumbulluara, skuadra e Dukagjinit renditet në vendin e 6-të në tabelë.
