Trajneri Gvozdenovic i Skënderbeut pas barazimit 1-1 me 10 lojtarë kundër Elbasanit ka folur për paraqitjen e ekipit të tij. Ai i thuri lavde Alias dhe sipas tij fati kishte rol në pikën e tij. Marku është lojtari i ndeshjes për trajnerin e huaj korçar që u pa i gëzuar për pikën e marrë pas peripecive në ndeshjen e sotme.
“Në aspekt moral është fitore për ne, sepse Bismark ishte i dëmtuar para se të futej dhe ne ngelëm me 10 lojtarë. Ishim me super fat sepse Alia ishte në top-formë sot me pritjet e tij. Ishim me super fat e ritheksoi, Alia është njeriu i ndeshjes dhe i uroi komplimente. Edhe Elbasani ishte me fat sot, jo vetëm ne. Kjo pikë me superioritet numeric të Elbasanit na ngre moralin. Luajtëm mirë sot. “, u shpreh Ivan Gvozdenovic.
