Një 32-vjeçar ka mbetur i plagosur me thikë mbrëmjen e sotme në Durrës, pas një konflikti me dy vëllezër.
Policia e qytetit thotë se dy autorët janë vënë në pranga, ndërsa i plagosuri është transportuar në spital, ku ndodhet jashtë rrezikut për jetën.
Njoftimi i policisë:
Plagosën me mjet prerës (thikë) një 32-vjeçar, dyshohet pas një konflikti të çastit, ndërhyrja e menjëherëshme e shërbimeve të Policisë, bëri të mundur kapjen dhe shoqërimin e autorëve të dyshuar.
Rreth orës 18:45, në lagjen nr. 4 Durrës, dyshohet se pas një konflikti të çastit, dyshohet për motive të dobëta, shtetasit E.G, 36 vjeç dhe I. G. 33 vjeç, (vëllezër) kanë plagosur me mjet prerës (thikë), shtetasin G. B., 32 vjeç.
Ndërhyrja e menjëherëshme e shërbimeve të Policisë, bëri të mundur kapjen dhe shoqërimin në Komisariat, të dy vëllezërve për veprime të mëtejshme procedurale.
