Kryeministri Edi Rama mori pjesë sot në panelin e samitit të Javës së Zhvillimit të Qëdrueshëm në Abu Dhabi së bashku me homologun e tij malazez, Millojko Spajiç.
Gjatë intervistës ku foli edhe për ambicien e vendit që brenda vitit 2028 të garantojë sovranitetin në sektorin energjitik, Rama nuk ngurroi as të bënte batuta me moderatorin dhe kryeministrin e Malit të Zi.
“Ju grekët i nënvlerësoni pak njerëzit mendoni se e keni monopolin e filozofisë dhe jeni trashëgimtar të Platonit e Aristotelit, por nuk jeni. Me shumë sinqeritet, që të mos i ha kohën këtij vendi të madh, Malit të Zi. Është vendi më i madh në rajonin tonë dhe ka 50 milionë qytetarë, ne jemi vend i vogël. Në rast se larg qoftë BE do të dështojë, Brukseli i ri do të jetë Podgorica. Prandaj jemi kaq të ngushtë, për 500 mln njerëz Podgorica do të jetë kryeqyteti me Malin e Zi në qendër”, tha kryeministri Rama në panelin e Samitit të Javës së Zhvillimit të Qëndrueshëm që u zhvillua në Abu Dhabi.
