Duket se kanë nisur dhimbjet e kokës për trajnerin Silvinjo. Ardjan Ismajli nuk do të vijë në grumbullimin për ndeshjen me Serbinë.
Rezultati i rezonancës së sotme vendos përfundimisht që Ismajli nuk do të jetë në gjendje optimale për të qenë në dispozicion të Silvinjos, raporton “Top Channel”.
Me mungesën e mbrojtësit që është pjesë e Torinos, alternativat e Gjimshiti dhe Ajetit në qendër të mbrojtjes janë Enea Mihaj dhe Klisman Caka, ky i fundit i grumbulluar për herë të parë.
Pritet që në ditët në vijim të konfirmohet mungesa e Ismajlit, teksa pritet që mbrojtësi të zëvendësohet me dike tjetër.
Një humbje e rëndësishme kjo për kuqezinjtë në prag të ndeshjes kaq të rëndësishme që do të luajmë në Leskovc më 11 tetor. Përballje që pritet të vendosë edhe fatet e kualifikueseve.
